ലണ്ടന്‍: വെസ്റ്റ് ഇന്‍ഡീസിന് തിരിച്ചടിയായി ആന്ദ്രെ റസലിന്റെ പരുക്ക്. കാല്‍ മുട്ടിനേറ്റ പരുക്കിനെ തുടര്‍ന്ന് റസല്‍ ലോകകപ്പ് ടീമില്‍നിന്ന് പുറത്തായി. സുനില്‍ അംബ്രിസിനെയാണ് വിന്‍ഡീസ് 15 അംഗ സ്‌ക്വാഡില്‍ പകരക്കാരനായി ഉള്‍പ്പെടുത്തിയിട്ടുള്ളത്. തുടക്കം മുതല്‍ താരത്തെ പരുക്ക് അലട്ടിയിരുന്നു. വിന്‍ഡീസിന് വേണ്ടി നാല് മത്സരങ്ങളില്‍ മാത്രമാണ് റസല്‍ കളിച്ചത്. നാല് മത്സരങ്ങളില്‍ നിന്ന് അഞ്ച് വിക്കറ്റും 36 റണ്‍സുമാണ് റസലിന്റെ ഇതുവരെയുള്ള ലോകകപ്പിലെ പ്രകടനം.