കായംകുളം: ട്രെയിനില്‍നിന്ന് ഇറങ്ങുന്നതിനിടെ യുവാവിനു പ്ലാറ്റ്‌ഫോമില്‍നിന്നു വീണ് പരുക്കേറ്റു. തിരുവനന്തപുരം പേയാട് സ്വദേശി രാമചന്ദ്രന്‍ (38) നാണു പരുക്കേറ്റത്.
ഇയാളെ താലൂക്കാശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട്  നാലുമണിയോടെ കായംകുളം റെയില്‍വേ സ്റ്റേഷനിലായിരുന്നു  സംഭവം. തിരുവനന്തപുരത്തു നിന്ന് ബംഗളൂരുവിലേക്കു പോകുകയായിരുന്ന ഐലന്റ്  എക്‌സ്പ്രസ് രണ്ടാമത്തെ പ്ലാറ്റ്‌ഫോമില്‍ നിര്‍ത്തിയതിനെ തുടര്‍ന്ന് ഇറങ്ങുന്നതിനിടയില്‍ നിയന്ത്രണം വിട്ട് പ്ലാറ്റ്‌ഫോമിലേക്ക് വീഴുകയായിരുന്നു.
കൂടെയുണ്ടായിരുന്ന പേയാട് സ്വദേശി സുലൈമൈന്‍ ആര്‍.പി.എഫ് ഉദ്യോഗസ്ഥന്‍ സോണിയുടെ സഹായത്തോടെ ഫയര്‍ഫോഴ്‌സിന്റെ ആംബുലന്‍സില്‍ രാമചന്ദ്രനെ താലൂക്കാശുപത്രിയില്‍ എത്തിച്ച് പ്രാഥമിക ചികിത്സ നല്‍കി. ഗാര്‍ഡന്‍ നിര്‍മാണ  തൊഴിലാളികളായ ഇരുവരും കായംകുളത്തു പണിക്ക് എത്തിയതായിരുന്നു.