കോഴിക്കോട്: ഗള്‍ഫ് രാജ്യങ്ങളില്‍ നിന്ന് തിരിച്ചു വരുന്ന പ്രവാസികള്‍ക്ക് പുനരധിവാസത്തിനും വിവിധ സംരംഭങ്ങള്‍ക്കുമായി സര്‍ക്കാര്‍- സര്‍ക്കാരിതര ഏജന്‍സികള്‍ നടപ്പിലാക്കുന്ന പദ്ധതികള്‍ പരിചയപ്പെടുത്തുന്നതിനും കുടുംബ കൗണ്‍സിലിങ്, ഫാമിലി ബജറ്റ്, സ്‌കില്‍ ഡവലപ്‌മെന്റ് തുടങ്ങിയ മേഖലകളില്‍ പരിശീലനം നല്‍കുന്നതിനും വേദിയൊരുക്കുന്നു.എസ്.കെ.എസ്.എസ്.എഫ് സംസ്ഥാന കമ്മിറ്റിക്ക് കീഴിലുള്ള പ്രവാസി വിങാണ് ജൂലൈ 10 ന് വളാഞ്ചേരി അത്തിപ്പറ്റ ഫത്ഹുല്‍ ഫതാഹ് സെന്ററില്‍ സംസ്ഥാനതല പ്രവാസി കുടുംബ സംഗമം സംഘടിപ്പിക്കുന്നത്.
സ്ത്രീകള്‍ക്ക് കൂടി സൗകര്യമൊരുക്കുന്ന പരിപാടിയില്‍ പ്രവാസികള്‍ നേരിടുന്ന കുടുംബ പ്രശ്‌നങ്ങള്‍, പരിഹാരങ്ങള്‍ എന്നിവയും ചര്‍ച്ച ചെയ്യും. ലീവിന് നാട്ടിലെത്തിയവര്‍ക്കും കുടുംബ സമേതം പങ്കെടുക്കാം.