ഇടുക്കി: തദ്ദേശതിരഞ്ഞെടുപ്പില്‍ സംസ്ഥാനത്തെ ജില്ല പഞ്ചായത്തുകളിലെ 25 സീറ്റുകളില്‍ കേരള കോണ്‍ഗ്രസ് ജോസഫ് വിഭാഗം മത്സരിക്കുമെന്ന് പി ജെ ജോസഫ് അറിയിച്ചു. കുട്ടനാട് ഒഴികെയുള്ള സ്ഥാനാര്‍ത്ഥികളുടെ കാര്യത്തില്‍ തീരുമാനമായെന്ന് പി ജെ ജോസഫ് തൊടുപുഴയില്‍ പറഞ്ഞു.

തിരുവനന്തപുരം, മലപ്പുറം, കാസര്‍കോട് എന്നീ ജില്ലകളില്‍ ജോസഫ് വിഭാഗത്തിന് സീറ്റില്ല. കോട്ടയം ജില്ല പഞ്ചായത്തില്‍ 9 സീറ്റുണ്ട്. ഇവിടെയാണ് ജോസഫ് വിഭാഗത്തിന് കൂടുതല്‍ സീറ്റുള്ളത്. ഇടുക്കി ജില്ല പഞ്ചായത്തില്‍ അഞ്ച് സീറ്റുകളിലും കേരള കോണ്‍ഗ്രസ് ജോസഫ് വിഭാഗം മത്സരിക്കുന്നുണ്ട്.