കോഴിക്കോട്: പട്ടികജാതി ക്ഷേമസമിതി കുരുവട്ടൂര്‍ ഈസ്റ്റ് മേഖലാ കുടുംബസംഗമം സി.പി.എം ജില്ലാ കമ്മിറ്റിയംഗം മാമ്പറ്റ ശ്രീധരന്‍ ഉദ്ഘാടനം ചെയ്തു. ഇന്ത്യയില്‍ ദലിത് വിഭാഗങ്ങള്‍ക്കു നേരെ നടക്കുന്ന പീഡനങ്ങളില്‍ കുടുംബസംഗമം പ്രതിഷേധിച്ചു. എസ്.എസ്.എല്‍.സി, പ്ലസ്ടു പരീക്ഷകളില്‍ മികച്ച വിജയം നേടിയ വിദ്യാര്‍ഥികളെ ചടങ്ങില്‍ അനുമോദിച്ചു.
ലഹരിവിരുദ്ധ ബോധവല്‍ക്കരണത്തിന്റെ ഭാഗമായി പ്രിസണ്‍ ഫെലോഷിപ്പ് കേരളയുടെ സിനിമാ പ്രദര്‍ശനവും നടന്നു. മേഖലാ സെക്രട്ടറി ഐ. ഉണ്ണികൃഷ്ണന്‍ അധ്യക്ഷനായി. കുന്ദമംഗലം ബ്ലോക്ക് പഞ്ചായത്തംഗം സി.ടി ബിനോയ്, കുരുവട്ടൂര്‍ ഗ്രാമപഞ്ചായത്ത് സ്റ്റാന്‍ഡിങ് ചെയര്‍പേഴ്‌സന്‍ കെ. ലിനി, ശശിധരന്‍, പി. രാഘവന്‍, പി.എം കൃഷ്ണന്‍, മണി പ്രസംഗിച്ചു.