കൊച്ചി: സി.എം.പി സി.പി.എമ്മുമായി ലയിച്ചിട്ടില്ലെന്ന് സി.എം.പി സംസ്ഥാന ജനറല്‍ സെക്രട്ടറി എം.വി രാജേഷ് വാര്‍ത്താസമ്മേളനത്തില്‍ പറഞ്ഞു. ലയനം പൂര്‍ണമായും തടഞ്ഞുകൊണ്ട് എറണാകുളം മുന്‍സിഫ് കോടതി ഉത്തരവിട്ടിട്ടുള്ളതാണ്.
കോടതിയുടെ വിധിക്കെതിരേ എം.കെ കണ്ണന്‍ സമര്‍പ്പിച്ച അപ്പീലില്‍ ലയനം തടഞ്ഞ വിധി സ്റ്റേ ചെയ്തിട്ടുമില്ല. പാര്‍ട്ടി പിളര്‍ന്നിട്ടില്ല.
കൊല്ലത്ത് നടന്ന സമ്മേളനത്തില്‍ ലയനം നടന്നതായി രേഖപ്പെടുത്തിയിട്ടില്ല.സി.എം.പിയുടെ അവസാനം നടന്ന പാര്‍ട്ടി കോണ്‍ഗ്രസില്‍ ലയനം ചര്‍ച്ച ചെയ്തിട്ടില്ലെന്നും അദ്ദേഹം പറഞ്ഞു.