ന്യൂഡല്‍ഹി: തദ്ദേശ തെരഞ്ഞെടുപ്പ് നടന്ന ദ.ഡല്‍ഹിയില്‍ മേയര്‍ സ്ഥാനത്തേക്ക് ബി.ജെ.പി കൗണ്‍സിലര്‍ കമല്‍ജീത് ഷെറാവത്ത് എതിരില്ലാതെ തെരഞ്ഞെടുക്കപ്പെട്ടു. ഡെപ്യൂട്ടി മേയറായി ബി.ജെ.പിയുടെ തന്നെ കൈലാഷ് സംഘ്‌ലയും എതിരില്ലാതെ തെരഞ്ഞെടുക്കപ്പെട്ടു. രണ്ടു സ്ഥാനത്തേക്കും മറ്റു കക്ഷികളാരും നാമനിര്‍ദേശ പത്രിക സമര്‍പ്പിച്ചിരുന്നില്ല.
ഏപ്രില്‍ 23നു നടന്ന ഡല്‍ഹി മുനിസിപ്പല്‍ തെരഞ്ഞെടുപ്പില്‍ മൂന്ന് നഗരസഭകളിലേക്കും റെക്കോര്‍ഡ് വിജയമാണ് ബി.ജെ.പി നേടിയിരുന്നത്. ദ.ഡല്‍ഹിയിലെ ആകെ 104 വാര്‍ഡുകളില്‍ 70 ഇടത്ത് ബി.ജെ.പി വിജയം സ്വന്തമാക്കി. എ.എ.പിക്ക് 16ഉം കോണ്‍ഗ്രസിന് 12ഉം അംഗങ്ങളാണ് ഇവിടെയുള്ളത്.