എടപ്പാള്‍: സ്വകാര്യ വ്യക്തി കെട്ടിയടച്ചതിനെത്തുടര്‍ന്നു മാലിന്യകേന്ദ്രമായ ഓവുപാലഭിത്തി പൊതുമരാമത്ത് വകുപ്പു പൊളിച്ചു നീക്കി.എടപ്പാള്‍ അയിലക്കാട് കരിങ്കല്ലത്താനി റോഡിലാണു സ്വകാര്യ വ്യക്തി ഓവുപാലം കെട്ടിയടച്ചത്.  
ഒഴുക്കു നഷ്ടപെട്ട ഇവിടം  മാലിന്യം അടിഞ്ഞു കൂടി. ഇതോടെ ആരോഗ്യ വകുപ്പു വിഷയത്തില്‍ ഇടപെടുകയും റിപ്പോര്‍ട്ട് നല്‍കുകയും ചെയ്തു.
ഈ റിപ്പോര്‍ട്ടിന്റെ അടിസ്ഥാനത്തില്‍ ഇന്നലെ പി.ഡബ്ലിയു.ഡി അധികൃതരെത്തി  ജലത്തിന്റെ ഒഴുക്കിനു തടസമാക്കി കെട്ടിയ ഭിത്തി പൊളിച്ചു മാറ്റിയത്. പ്രദേശത്തെ മാലിന്യം രണ്ടുദിവസത്തിനകം നീക്കം ചെയ്യുമെന്നു പഞ്ചായത്ത് പ്രസിഡന്റ് പി.പി.ബിജോയ് പറഞ്ഞു.