മാഞ്ചസ്റ്റര്‍: വെസ്റ്റിന്‍ഡീസിനെതിരായ മത്സരത്തില്‍ ടോസ് നേടി ബാറ്റിങ് തെരഞ്ഞെടുത്ത ഇന്ത്യയുടെ തുടക്കം കരുതലോടെ. 18 റണ്‍സെടുത്ത രോഹിത് ശര്‍മയുടെ വിക്കറ്റ് നഷ്ടമായി. എട്ട് ഓവറില്‍ 38 റണ്‍സ് എന്ന നിലയില്‍ ഇപ്പോള്‍ കളി പുരോഗമിക്കുകയാണ്. ഓപണിങ് ബാറ്റ്‌സ്മാന്‍ രാഹുലും ക്യാപ്റ്റന്‍ വിരാട് കോഹ്ലിയുമാണ് ഇപ്പോള്‍ ക്രീസില്‍. വിന്‍ഡീസ് ബൗളിങ് നിരയെ കരുതലോടെയാണ് ഓപണിങ് ബാറ്റ്‌സ്മാന്‍മാരായ രോഹിത് ശര്‍മയും രാഹുലും നേരിട്ടത്. എന്നാല്‍ ഏറെ വൈകാതെ രോഹിത്തിന്റെ വിക്കറ്റ് നഷ്ടമാകുകയായിരുന്നു. കഴിഞ്ഞ മത്സരത്തില്‍ അഫ്ഗാനെതിരേ കളിച്ച അതേ ടീം തന്നെയാണ് ഇന്നും കളത്തിലിറങ്ങിയത്. വിജയ് ശങ്കറും മുഹമ്മദ് ഷമിയും ടീമില്‍ തുടരുന്ന സാഹചര്യത്തില്‍ ഋഷഭ് പന്തിന് ഈ കളിയിലും അവസരം ലഭിച്ചില്ല.