മാഡ്രിഡ്: റയല്‍ മാഡ്രിഡിനായി മിന്നും ഫോമില്‍ കളിച്ച മാര്‍ക്കോ അസെന്‍സിയോ സ്‌പെയിന്‍ ദേശീയ ടീമില്‍.
അടുത്ത മാസം നടക്കുന്ന കൊളംബിയക്കെതിരായ സൗഹൃദ മത്സരത്തിനും മാസിഡോണിയക്കെതിരായ ലോകകപ്പ് യോഗ്യതാ പോരാട്ടത്തിനുമുള്ള സ്പാനിഷ് ടീമിലേക്കാണ് താരത്തെ തിരികെ വിളിച്ചത്. ജൂണ്‍ 16 മുതല്‍ 30 വരെ പോളണ്ടില്‍ നടക്കുന്ന അണ്ടര്‍ 21 യൂറോ കപ്പിനുള്ള സ്പാനിഷ് ടീമിലും 21കാരനായ അസെന്‍സിയോ അംഗമാണ്.
അത്‌ലറ്റിക്ക് ബില്‍ബാവോയുടെ യുവ ഗോള്‍ കീപ്പര്‍ കെപയും ടീമില്‍ ഇടം കണ്ടിട്ടുണ്ട്. പെപെ റെയ്‌നയ്ക്ക് പരുക്കേറ്റതിനെ തുടര്‍ന്നാണ് കെപയെ ടീമിലുള്‍പ്പെടുത്തിയത്. ജൂണ്‍ ഏഴിനാണ് കൊളംബിയയുമായുള്ള സൗഹൃദ മത്സരം. ജൂണ്‍ 11ന് സ്‌പെയിന്‍ മാസിഡോണിയയുമായി ലോകകപ്പ് യോഗ്യതാ പോരാട്ടത്തില്‍ മത്സരിക്കും.