കോഴിക്കോട്: 'ആത്മ വിശുദ്ധിക്ക് ഒരുമിച്ചിരിക്കാം' എന്ന പ്രമേയത്തില്‍ എസ്.കെ.എസ്.എസ്.എഫ് ഇബാദ് സംസ്ഥാന സമിതി സംഘടിപ്പിക്കുന്ന കേരള തസ്‌കിയത്ത് കോണ്‍ഫറന്‍സ് ശനി, ഞായര്‍ ദിവസങ്ങളിലായി എറണാകുളം പൂക്കാട്ടുപാടിയില്‍ നടക്കും.
നാളെ രാവിലെ പതിനൊന്നിന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. തുടര്‍ന്ന് വിവിധ സെഷനുകളിലായി ക്ലാസുകള്‍ നടക്കും. ഞായറാഴ്ച വൈകിട്ട് നടക്കുന്ന സമാപനം പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. രജിസ്റ്റര്‍ ചെയ്ത ആയിരത്തോളം പ്രതിനിധികള്‍ പങ്കെടുക്കും