തൃക്കരിപ്പൂര്‍: സ്വച്ഛ് ഭാരത് പദ്ധതിയുടെ ഭാഗമായി റെയില്‍വേ സ്റ്റേഷന്‍ ശുചീകരിച്ചു. വ്യാപാരി വ്യവസായി ഏകോപന സമിതി തൃക്കരിപ്പൂര്‍ യൂനിറ്റ്, തൃക്കരിപ്പൂര്‍ റെയില്‍വേ ആക്ഷന്‍ ഫോറം എന്നിവയുടെ നേതൃത്വത്തില്‍ സംഘടിപ്പിച്ച ശുചീകരണ പ്രവര്‍ത്തനത്തില്‍ തൃക്കരിപ്പൂര്‍ ഗവ. ഹയര്‍സെക്കന്‍ഡറി സ്‌കൂള്‍ സ്റ്റുഡന്റ് പൊലിസ്, ജൂനിയര്‍ റെഡ്‌ക്രോസ്, സെന്റ്‌പോള്‍സ് എ.യു.പി സ്‌കൂള്‍ ഗൈഡ്‌സ്, നാട്ടുകാര്‍, വിവിധ സംഘടനകള്‍ എന്നിവര്‍ കൈകോര്‍ത്തു. ശുചീകരണ പ്രവര്‍ത്തനത്തിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് വി.പി ഫൗസിയ നിര്‍വഹിച്ചു.
വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്റ് കെ.വി ലക്ഷ്മണന്‍ അധ്യക്ഷനായി. ജില്ലാപഞ്ചായത്ത് അംഗം പി.വി പത്മജ, ബ്ലോക്ക് പഞ്ചായത്ത് അംഗം സി. രവി, റെയില്‍വേ മംഗളൂരു ഏരിയാ മാനേജര്‍ ശ്രീധരവാര്യര്‍, ചീഫ് കമേഴ്‌സ്യല്‍ ഇന്‍സ്‌പെക്ടര്‍ ജയകൃഷ്ണന്‍, കെ.വി അമ്പു, സത്താര്‍ വടക്കുമ്പാട്, എ.ജി നൂറുല്‍ അമീന്‍, എം.വി സുകുമാരന്‍, ടി.വി ബാലകൃ്ണന്‍ എന്നിവര്‍ സംസാരിച്ചു.