ചെര്‍ക്കള: മദ്‌റസ മാനേജ്‌മെന്റ് അസോസിയേഷന്‍ ജില്ലാ പ്രസിഡന്റായിരുന്ന ചെര്‍ക്കളം അബ്ദുല്ല അനുസ്മരണവും മദ്‌റസ പൊതുപരീക്ഷകളില്‍ ടോപ് പ്ലസ് വാങ്ങിയ വിദ്യാര്‍ഥികള്‍ക്കുള്ള അനുമോദനവും ജില്ലാ ഭാരവാഹികളുടെ തെരഞ്ഞെടുപ്പും ഒക്ടോബര്‍ ആറിന് ചെര്‍ക്കള ഖുവ്വത്തുല്‍ ഇസ്‌ലാം ഹയര്‍ സെക്കന്‍ഡറി മദ്‌റസയില്‍ നടക്കും. രാവിലെ 10.30ന് സമസ്ത സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. 30ന് മുന്‍പായി 27 റെയ്ഞ്ചുകളിലും മാനേജ്‌മെന്റ് കമ്മിറ്റിക്കു രൂപം നല്‍കണമെന്ന് ബന്ധപ്പെട്ടവര്‍ അറിയിച്ചു. ഇതുസംബന്ധിച്ച യോഗത്തില്‍ മദ്‌റസ മാനേജ്‌മെന്റ് അസോസിയേഷന്‍ പി.വി അഹ്മദ് ശെരീഫ് അധ്യക്ഷനായി.
ജില്ലാ സെക്രട്ടറി കണ്ണൂര്‍ അബ്ദുല്ല മാസ്റ്റര്‍, ജംഇയ്യത്തുല്‍ മുഅല്ലിമിന്‍ ജില്ലാ സെക്രട്ടറി ഹുസൈന്‍ തങ്ങള്‍ മാസ്തിക്കുണ്ട്. എം.ഐ.സി കുഞ്ഞബ്ദുല്ല ഹാജി, മുബാറക് ഹസൈനാര്‍ ഹാജി, ബി. മൂസ ഹാജി, ബി.എസ് ഇബ്രാഹിം, കെ.എം മൂസഹാജി ചേരൂര്‍, മൊയ്തീന്‍ കൊല്ലമ്പാടി, നൗഷാദ് കൊറ്റിക്കാല്‍, കെ.യു ദാവൂദ് ഹാജി, കുഞ്ചാര്‍ മുഹമ്മദ് ഹാജി സംസാരിച്ചു.