കരണി: കേരളത്തിന്റെ ഭൂപ്രകൃതിക്ക് ചെരുവുള്ളതിനാല്‍ മഴ പെയ്ത് കഴിഞ്ഞാല്‍ വെള്ളം നേരെ കടലിലേക്ക് ഒഴുകുന്ന പ്രതിഭാസമാണ്‌വരള്‍ച്ചക്ക്  കാരണമെന്ന് കെ.എം ഷാജി എം.എല്‍.എ പറഞ്ഞു. യൂത്ത്‌ലീഗ് കരണി ശാഖ നടത്തിയ ജലസഭ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മികച്ച കര്‍ഷകനായ വി.വി ജഗതീഷ്, പ്ലസ്ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ എന്നിവരെ ആദരിച്ചു. പി. ഇര്‍ഷാദ് അധ്യക്ഷനായി. യൂത്ത്‌ലീഗ് സംസ്ഥാന വൈസ് പ്രസിഡന്റ് പി. ഇസ്മയില്‍ മുഖ്യപ്രഭാഷണം നടത്തി.
എസ്. ഉമര്‍ കരിയര്‍ ഗൈഡന്‍സ് ക്ലാസിന് നേതൃത്വം നല്‍കി. കെയംതൊടി മുജീബ്, നൂരിഷ ചേന്നോത്ത്, പി.എം ജൗഹര്‍, ബഷീര്‍ പഞ്ചാര, ഷെമീര്‍ പാറമ്മല്‍, പി. അയമു, എ.പി. ഹമീദ്, പി. അബ്ദു, എം. അബ്ദുല്‍കരീം, വി.വി ജഗദീഷ് , സെബീര്‍ പാറമ്മല്‍, ആഷിഖ് സംസാരിച്ചു.