ലുധിയാന: തടവുകാരന്റെ മരണവുമായി ബന്ധപ്പെട്ട് ലുധിയാന സെന്‍ട്രല്‍ ജയിലിലുണ്ടായ അക്രമത്തില്‍ 10 പേര്‍ക്ക് പരുക്ക്. തടവുകാരും പൊലിസുമായാണ് ഏറ്റുമുട്ടിയത്. സ്ഥിതിഗതികള്‍ നിയന്ത്രിക്കുന്നതിനായി പൊലിസ് ആകാശത്തേക്ക് വെടിവച്ചു. പൊലിസിനും ജയില്‍ ജീവനക്കാര്‍ക്കും നേരെ തടവുകാര്‍ കല്ലേറ് നടത്തി. സംഭവത്തില്‍ പൊലിസ് അസി. കമ്മിഷനര്‍ സന്ദീപ് വദ്ര ഉള്‍പ്പെടെ അഞ്ച് പൊലിസുകാര്‍ക്ക് പരുക്കേറ്റു. ചില തടവുകാര്‍ക്കും പരുക്കേറ്റിട്ടുണ്ട്.