പുത്തനത്താണി: പാണ്ഡിത്യത്തിന്റെ ആഴം കണ്ടെത്തിയ മഹാ പണ്ഡിതനാണ് കഴിഞ്ഞ ദിവസം വഫാത്തായ പ്രമുഖ പണ്ഡിതനും സമസ്ത ജില്ലാ ജനറല്‍ സെക്രട്ടറിയുമായിരുന്ന പി. കുഞ്ഞാണി മുസ്‌ലിയാരെന്ന് സമസ്ത കേന്ദ്ര മുശാവറ അംഗം ഹാജി എ. മരക്കാര്‍ ഫൈസി.
പുത്തനത്താണി ഇസ്‌ലാമിക് സെന്ററില്‍ എസ്.കെ.എസ്.എസ്.എഫ് മലപ്പുറം വെസ്റ്റ് ജില്ലാ കമ്മിറ്റി സംഘടിപ്പിച്ച അനുസ്മരണ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ഇത്തരം പണ്ഡിതന്മാരുടെ വിയോഗം മൂലം സമസ്തക്കും സമുദായത്തിനും തീരാനഷ്ടമാണെന്നും അദ്ദേഹം പറഞ്ഞു.
ഫഖ്‌റുദ്ദീന്‍ ഹസനി തങ്ങള്‍ കണ്ണന്തള്ളി അധ്യക്ഷനായി. ജംഇയ്യത്തുല്‍ മുദരിസീന്‍ ജില്ലാ വൈസ് പ്രസിഡന്റ് സി.കെ സൈതാലിക്കുട്ടി ഫൈസി കോറാട് ദുആക്ക് നേതൃത്വം നല്‍കി. മുനീര്‍ ഹുദവി വിളയില്‍ അനുസ്മരണ പ്രഭാഷണം നടത്തി. പാണക്കാട് സയ്യിദ് അബ്ദുറഷീദലി ശിഹാബ് തങ്ങള്‍, സയ്യിദ് നിയാസലി ശിഹാബ് തങ്ങള്‍, റഹീം മാസ്റ്റര്‍ ചുഴലി, അഹ്മദ് വാഫി കക്കാട്, ഡോ. ജാബിര്‍ ഹുദവി, ശാഫി മാസ്റ്റര്‍ ആലത്തിയൂര്‍, മുഹമ്മദലി ദാരിമി കരേക്കാട്, കെ.വി ഹംസ മൗലവി, എന്‍.ടി.എം കുട്ടി മൗലവി, ആശിഖ് കുഴിപ്പുറം, ശാഫി മാസ്റ്റര്‍ ആട്ടീരി, അനീസ് ഫൈസി മാവണ്ടിയൂര്‍, മുഹമ്മദലി പുളിക്കല്‍, അഡ്വ. പി.പി ആരിഫ്,  ജഹ്ഫര്‍ വാഫി കാവുംപുറം, മജീദ് പറവണ്ണ, ഫാഇസ് വെന്നിയൂര്‍ എന്നിവര്‍ സംസാരിച്ചു.