അങ്ങാടിപ്പുറം: ഗതാഗതക്കുരുക്കും പൊടിശല്യവും കാരണം വീര്‍പ്പുമുട്ടുന്ന അങ്ങാടിപ്പുറത്തെ കാല്‍നടയാത്രക്കാരെ ദുരിതത്തിലാക്കി റോഡരികില്‍ മെറ്റല്‍ തള്ളല്‍. കാല്‍നടയാത്രക്ക് സ്ലാബു പോലുമില്ലാത്ത മൂന്നിടങ്ങളിലാണ് റോഡിലെ കുഴിയടക്കാനായി കൊണ്ടണ്ടുവന്ന മെറ്റലുകള്‍ തള്ളിയിരിക്കുന്നത്. മേല്‍പ്പാലത്തില്‍ ചരക്ക് ലോറി കുടുങ്ങിയതുമായി ബന്ധപ്പെട്ടുണ്ടണ്ടായ കുരുക്കില്‍ രാവിലെ മുതല്‍ അങ്ങാടിപ്പുറം ടൗണ്‍ പൂര്‍ണമായും സ്തംഭനാവസ്ഥയിലായിരുന്നു.
റോഡിന്റെ ഇരുവശങ്ങളും വാഹനങ്ങള്‍ കൈയടക്കിയതോടെ കാല്‍നടയാത്രക്കാര്‍ ദുരിതം പര്‍വ്വം താണ്ടണ്ടിയാണ് ഇതുവഴി നടന്നു പോയിരുന്നത്. കാല്‍നടയാത്രക്ക് സ്ലാബ് സൗകര്യം പോലുമില്ലാത്ത ഇവിടം റോഡിലേക്കിറക്കി മെറ്റല്‍ തള്ളിയതോടെ റോഡിലേക്കിറങ്ങി വേണം ഇതുവഴി കടന്നുപോകാന്‍.
സ്ത്രീകളടക്കമുള്ളവര്‍ ഏറെ പ്രയാസപ്പെട്ടാണ് ഈ മെറ്റലും ചാടിക്കടന്ന് ലക്ഷ്യസ്ഥാനത്തേക്കും തിരിച്ചും എത്തിയിരുന്നത്.