തിരുവനന്തപുരം: സംസ്ഥാനവ്യാപകമായി ആര്‍.ടി ഓഫിസുകളില്‍ വിജിലന്‍സിന്റെ മിന്നല്‍ പരിശോധന. ഓപറേഷന്‍ ഉജാല എന്ന പേരിലാണ് റെയ്ഡ് നടന്നത്. വൈകിട്ട് മൂന്നിന്് ആരംഭിച്ച റെയ്ഡ് രാത്രി വൈകിയും തുടര്‍ന്നു. എറണാകുളത്ത് മാത്രം ഏഴിടങ്ങളില്‍ ഒരേസമയം റെയ്ഡ് നടന്നു. ആലപ്പുഴയില്‍ നാലിടത്തും മലപ്പുറത്ത് മഞ്ചേരി, പൊന്നാനി, നിലമ്പൂര്‍, മലപ്പുറം എന്നിവിടങ്ങളിലും റെയ്ഡ് നടന്നു. ചിലയിടങ്ങളില്‍ ഏജന്റുമാരെ പണം സഹിതം പിടികൂടിയിട്ടുണ്ട്.
കായംകുളം, ചെങ്ങന്നൂര്‍, ചേര്‍ത്തല, മാവേലിക്കര ആര്‍.ടി ഓഫിസുകളില്‍ നടന്ന പരിശോധനയിലാണ് പണവുമായി ഏജന്റുമാര്‍ പിടിയിലായത്. കായംകുളം ആര്‍.ടി ഓഫിസില്‍ മാത്രം അഞ്ച് ഏജന്റുമാരെ കസ്റ്റഡിയിലെടുത്തിട്ടുണ്ട്. ഇവരില്‍ നിന്നായി നാല്‍പതിനായിരം രൂപ പിടികൂടി.