കോതമംഗലം: കത്തിക്കുത്തില്‍ യുവാവിനു പരുക്കേറ്റ സംഭവത്തില്‍ ഒരാള്‍ അറസ്റ്റില്‍. കുട്ടംമ്പുഴ വെള്ളാരംകുത്ത് കാലാ കൂട്ടിക്കല്‍ ശിവദാസ് (31) നെയാണ് കുട്ടംമ്പുഴ പൊലിസ് അറസ്റ്റ് ചെയ്തത്. കുട്ടംമ്പുഴ വെള്ളാരംകുത്ത് ആദിവാസി കുടിയില്‍ കമ്യുണിറ്റി ഹാളിനു സമീപം കഴിഞ്ഞ ദിവസം രാത്രി ഉണ്ടായ സഘര്‍ഷത്തില്‍ വെള്ളാരംകുത്ത് പെരിയകത്ത് ദിലീപ് (30) നാണ്  പരിക്കേറ്റത്.ദിലീപ് കൊച്ചി സഹകരണ മെഡിക്കല്‍ കോളേജില്‍ ചികിത്സയിലാണ്.
സംഭവത്തെ തുടര്‍ന്ന് ഒളിവില്‍ പോയ ശിവദാസിനെ കുട്ടംമ്പുഴ എസ്.ഐ.ജോയി, എ.എസ്.ഐ.സജി, സിവില്‍ പൊലിസ് ഒഫീസര്‍മാരായ ബോസില്‍ ഏലിയാസ്, എല്‍ദോസ്, ഷിഹാബ് എന്നിവര്‍ എന്നിവര്‍ ചേര്‍ന്നാണ്ഇന്നലെ വൈകിട്ട് അറസ്റ്റ് ചെയതത്.