തൃക്കുന്നപ്പുഴ :കരള്‍ രോഗം ബാധിച്ച് അകാലത്തില്‍ നമ്മില്‍ നിന്നും പൊലിഞ്ഞുപോയ  പള്ളിപ്പാട്ടുമുറി ചക്കംത്തറയില്‍ ശ്യാം കുമാറിന്റെ കുടുംബത്തിന് കൈത്താങ്ങായി  മിഡില്‍ ഈസ്റ്റ് കെ.എം.സി.സി. തൃക്കുന്നപ്പുഴ പഞ്ചായത്ത് കമ്മറ്റി.
കാരുണ്യ പ്രവര്‍ത്തന രംഗത്ത്  വേറിട്ട  ജീവകാരുണ്യ പ്രവര്‍ത്തങ്ങളുമായി  മുന്‍പോട്ട് പോകുന്ന കെ.എം.സി.സി യുടെ തൃക്കുന്നപ്പുഴ പഞ്ചായത്ത് കമ്മറ്റി സമാഹരിച്ച ധന സഹായം ദമാം കെ.എം.സി.സി ആലപ്പുഴ ജില്ലാ ട്രഷറര്‍ അജി ഷാഹുല്‍ മുസ്‌ലിം ലീഗ് ഹരിപ്പാട് നിയോജക മണ്ഡലം പ്രസിഡന്റ് ഹാരിസ് അണ്ടോളില്‍,ജനറല്‍ സെക്രട്ടറി ഫക്ക്രുദ്ദീന്‍ അലി അഹമ്മദ് എന്നിവര്‍ക്ക് ശ്യാം കുമാറിന്റെ വസതിയില്‍ വെച്ച് കൈമാറി. തുക ശ്യാം കുമാറിന്റെ കുടുംബത്തിന് നല്‍കി.
മുസ്‌ലിം ലീഗ് തൃക്കുന്നപ്പുഴ പഞ്ചായത്ത് പ്രസിഡന്റ് സിയാര്‍ തൃക്കുന്നപ്പുഴ,എം.എസ്.എഫ് ജില്ലാ ജനറല്‍ സെക്രട്ടറി സദ്ദാം ഹരിപ്പാട്,മുസ്‌ലിം ലീഗ് ഭാരവാഹികളായ മുഹമ്മദ്കുഞ്ഞ് തൈപ്പറമ്പില്‍ എ.ഉവൈസ്,ശാഹുല്‍ അണ്ടോളി,എം.എസ്.എഫ് സംസ്ഥാന കൗണ്‍സില്‍ ഉവൈസ് പതിയാങ്കര,മുഹമ്മദ്കുഞ്ഞ് ചാത്തന്‍ങ്കേരില്‍,എം.എസ്.എഫ് മണ്ഡലം പ്രസിഡന്റ് സി.കെ ഷാനവാസ്,ഷഹിര്‍ഷാ തുടങ്ങിവര്‍ പങ്കെടുത്തു.