കാസര്‍കോട്: സ്‌കൂട്ടറില്‍ കടത്തുകയായിരുന്ന രണ്ട് കിലോയോളം കഞ്ചാവുമായി യുവാവ് അറസ്റ്റില്‍. തളങ്കര കടവത്ത് കൊപ്പലിലെ അബ്ദുല്‍ സമദാനി (27) മയാണ് അറസ്റ്റിലായത്. ഇന്നലെ രാവിലെ കാസര്‍കോട് പഴയ പ്രസ് ക്ലബ് ജങ്ഷനില്‍വച്ച് സി.ഐ സി.എ അബ്ദുല്‍ റഹീമും സംഘവുമാണ് കഞ്ചാവ് പിടിച്ചത്. കെ.എല്‍ 14 എസ്. 923 നമ്പര്‍ ഹോണ്ട സ്‌കൂട്ടര്‍ പൊലിസ് കസ്റ്റഡിയിലെടുത്തു. രഹസ്യവിവരത്തെ തുടര്‍ന്ന് പൊലിസ് നടത്തിയ പരിശോധനക്കിടെയാണ് കഞ്ചാവ് കടത്ത് പിടിച്ചത്. നഗരം കേന്ദ്രീകരിച്ച് വില്‍പന നടത്താന്‍ കൊണ്ടുവന്ന കഞ്ചാവാണിതെന്ന് സംശയിക്കുന്നു. സിവില്‍ പൊലിസ് ഓഫിസര്‍മാരായ ഓസ്റ്റില്‍ തമ്പി, രാജേഷ്, അജിത്, ഡ്രൈവര്‍ ചെറിയാന്‍ എന്നിവരും പരിശോധനക്കുണ്ടായിരുന്നു.