പെരുവള്ളൂര്‍: എസ്.വൈ.എസ്. പെരുവള്ളൂര്‍ പഞ്ചായത്ത് കമ്മിറ്റിയും ജി.സി.സി കമ്മിറ്റിയും സംയുക്തമായി ആചരിക്കുന്ന എന്‍ലൈറ്റന്‍ ത്രൈ മാസ കാംപയിനിന്റെ ഭാഗമായി പെരുവള്ളൂര്‍ ഹയര്‍ സെക്കന്‍ഡറി  സ്‌കൂളില്‍ സംഘടിപ്പിച്ച ഇഗ്‌നേറ്റ് ഹയര്‍ സെക്കന്‍ഡറി കോണ്‍ഗ്രസ് കാലിക്കറ്റ് സര്‍വ്വകലാശാല വൈസ്.ചാന്‍സലര്‍ ഡോ. കെ മുഹമ്മദ് ബഷീര്‍ ഉദ്ഘാടനം ചെയ്തു.
 പെരുവള്ളൂര്‍  പഞ്ചായത്തില്‍ എസ്.എസ്.എല്‍. സി, പ്ലസ്.ടു പരീക്ഷകളില്‍ ഉന്നത വിജയം നേടിയ നൂറോളം വിദ്യാര്‍ഥികള്‍ക്ക്  ഉപഹാരം നല്‍കി ആദരിച്ചു. ചടങ്ങില്‍ ടി.പി ഹസൈന്‍ മാസ്റ്റര്‍ അധ്യക്ഷനായി.
അഷ്‌റഫ് മലയില്‍, ഹാരിസ് ഹുദവി മടപ്പള്ളി എന്നിവര്‍ ക്ലാസെടുത്തു. ബ്ലോക്ക് പഞ്ചായത്ത് പ്രസിഡന്റ് കെ കലാം മാസ്റ്റര്‍, പി ഉണ്ണി, ഇസ്മായില്‍ കാവുങ്ങല്‍, അഷ്‌റഫ് മുസ്‌ലിയാര്‍, അബ്ദുന്നാസര്‍ മാസ്റ്റര്‍, ശശിധരന്‍ മാസ്റ്റര്‍, പി.സി ബീരാന്‍ കുട്ടി, പി.ടി കോമു കുട്ടി ഹാജി, എം.കെ ബാവ, ബീരാന്‍ കുട്ടി ബാഖവി, ഡോ. ജാബിര്‍ ഹുദവി, ഫവാസ് ഇല്ലത്ത് മാട് സംസാരിച്ചു.