മലപ്പുറം: മദ്‌റസ പഠനത്തോടൊപ്പം എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് ലഭിച്ച വിദ്യാര്‍ഥികളെയും എസ്.കെ.ജെ.എം സംസ്ഥാന ഇസ്‌ലാമിക് കലാമേളയില്‍ ജില്ലയെ പ്രതിനിധീകരിച്ച പ്രതിഭകളെയും സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മിറ്റി പെരിന്തല്‍മണ്ണ എം.ഇ.എ എന്‍ജിനീയറിങ് കോളജുമായി ചേര്‍ന്ന് ആദരിച്ചു. മലപ്പുറം സുന്നിമഹല്‍ ഓഡിറ്റോറിയത്തില്‍ നടന്ന സംഗമം എസ്.കെ.ജെ.എം.സി.സി ജനറല്‍ മാനേജര്‍ എം.എ ചേളാരി ഉദ്ഘാടനം ചെയ്തു. പി ഹസന്‍ മുസ്‌ലിയാര്‍ അധ്യക്ഷനായി.
പെരിന്തല്‍മണ്ണ, നിലമ്പൂര്‍, വണ്ടൂര്‍, മഞ്ചേരി, മലപ്പുറം, കൊളത്തൂര്‍, കൊണ്ടോട്ടി, എടവണ്ണപ്പാറ എന്നീ മേഖലകില്‍ നിന്നായി മദ്‌റസ പഠനത്തോടൊപ്പം എസ്.എസ്.എസ്.എല്‍.സി, പ്ലസ് ടു പരീക്ഷകള്‍ എഴുതി മുഴുവന്‍ വിഷയങ്ങള്‍ക്കും എ പ്ലസ് നേടിയ 149 വിദ്യാര്‍ഥികളാണ് അനുമോദന ചടങ്ങിന് എത്തിയിരുന്നത്. കാസര്‍ക്കോട് നടന്ന സംസ്ഥാന ഇസ്‌ലാമിക് കലാമേളയില്‍ ഒന്നും രണ്ടും സ്ഥാനം നേടിയവര്‍ക്കുള്ള സര്‍ട്ടിഫിക്കറ്റും അവാര്‍ഡും പങ്കെടുത്ത മുഴുവന്‍ കുട്ടികള്‍ക്കുള്ള  പ്രോത്സാഹന സമ്മാനവും ചടങ്ങില്‍ വിതരണം ചെയ്തു.
ബി.എസ്.കെ തങ്ങള്‍, ആനമങ്ങാട് മുഹമ്മദ് കുട്ടി ഫൈസി, കെ.ടി ഹുസൈന്‍ കുട്ടി മുസ്‌ലിയാര്‍, മുഹമ്മദലി മുസ്‌ലിയാര്‍ ആനക്കയം, സ്വാദിഖ് ഫൈസി അരിമ്പ്ര, ഷൗക്കത്ത് അസ്‌ലമി, മുസ്തഫ അന്‍വരി, അബ്ദുല്‍ റസാഖ് ഫൈസി, യൂനുസ് ഫൈസി വെട്ടുപാറ, എ.കെ ആലിപ്പറമ്പ്, അബ്ദുറഹീം ഫൈസി, സഫറുദ്ദീന്‍ പൂക്കോട്ടൂര്‍, അസ്‌ലഹ് മുതുവല്ലൂര്‍ സംസാരിച്ചു.