ചെന്നൈ: അമിത് ഷായുടെ തമിഴ്‌നാട് സന്ദര്‍ശനത്തിന് മുന്നോടിയായി ട്വിറ്ററില്‍ തരംഗമായി 'ഗോ ബാക്ക് അമിത് ഷാ' ഹാഷ് ടാഗ് തരംഗമായി. ഇന്നലെ രാത്രിമുതലാണ് ഗോ ബാക്ക് അമിത് ഷാ എന്ന ഹാഷ് ടാഗ് തരംഗമായത്.

അടുത്ത വര്‍ഷം തമിഴ്‌നാട്ടില്‍ നടക്കാനിരിക്കുന്ന നിയമസഭാ തെരഞ്ഞെടുപ്പിന് മുന്നോടിയായാണ് അമിത് ഷായുടെ സന്ദര്‍ശനം. ഇന്ന് ഉച്ചേയോടെ ചെന്നൈയിലെത്തി അമിത്ഷാക്ക് വന്‍ വരേല്‍പ്പായിരുന്നു ബി.ജെ.പി പ്രവര്‍ത്തകര്‍ ഒരുക്കിയത്. ഇതിനിടെയാണ് സാമൂഹിക മാധ്യമങ്ങളില്‍ ഗോബാക്ക് വിളി തരംഗമായത്.
രാജ്യത്തിന്റെ പല ഭാഗങ്ങളിലും മുന്നേറ്റമുണ്ടാക്കിയപ്പോഴും തമിഴ്‌നാട് പിടിച്ചെടുക്കാന്‍ ബി.ജെ.പിക്ക് കഴിഞ്ഞിരുന്നില്ല. എന്നാല്‍ ദ്രവീഡിയന്‍ സംഘടനകളെ കൂട്ടുപിടിച്ച് തമിഴകത്ത് സ്വാധീനമുറപ്പിക്കാനാണ് ബി.ജെ.പി ശ്രമം.

ഇതിന്റെ ഭാഗായി ഖുശ്ബു ഉള്‍പ്പെടെയുള്ളവരെ ബി.ജെ.പി പാളയത്തിലെത്തിച്ചിരുന്നു. ഡി.എം.കെയില്‍ നിന്നു സസ്‌പെന്റ് ചെയ് രാമലിംഗവും ഇന്ന് ബി.ജെ.പിയില്‍ ചേര്‍ന്നിട്ടുണ്ട്. വെട്രിവേല്‍ യാത്ര ഉള്‍പ്പെടെ ഹിന്ദുത്വ അജണ്ട മുന്‍ നിര്‍ത്തിയുള്ള നീക്കങ്ങളും ബിജെപി തെരഞ്ഞെടുപ്പിന് മുന്നോടിയായി നടത്തുന്നുണ്ട്.
നടന്‍ രജനീകാന്തുമായി കൂടിക്കാഴ്ച നടത്താനുള്ള ശ്രമങ്ങള്‍ ബി.ജെ.പി നടത്തുന്നുണ്ട്. പാര്‍ട്ടി പ്രഖ്യാപനം തല്‍ക്കാലമില്ലെന്ന് നേരത്തെ രജനീകാന്ത് വ്യക്തമാക്കിയിരുന്നു.