അങ്കാറ: റഷ്യയില്‍നിന്ന് എസ്-400 വിമാനവേധ പ്രതിരോധ സംവിധാനം വാങ്ങുന്നതിന്റെ പേരില്‍ തുര്‍ക്കിക്കു മേല്‍ യു.എസ് ഉപരോധമുണ്ടാവില്ലെന്ന് തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍. ഇക്കാര്യത്തില്‍ ട്രംപ് തനിക്ക് നേരിട്ട് ഉറപ്പു തന്നതായും അദ്ദേഹം വ്യക്തമാക്കി. ജി20 ഉച്ചകോടിക്കിടെ ഉര്‍ദുഗാന്‍ യു.എസ്, റഷ്യന്‍ പ്രസിഡന്റുമാരുമായി ചര്‍ച്ച നടത്തിയിരുന്നു.
നേരത്തെ മിസൈല്‍ ഇടപാടുമായി മുന്നോട്ടുപോയാല്‍ തുര്‍ക്കിക്കെതിരേ ഉപരോധമുണ്ടാവുമെന്ന് യു.എസ് ഭീഷണിപ്പെടുത്തിയിരുന്നു. തുര്‍ക്കിയെ നാറ്റോ സഖ്യം ഒറ്റപ്പെടുത്തുമെന്നും മുന്നറിയിപ്പു നല്‍കിയിരുന്നു. അതേസമയം റഷ്യയുമായുള്ള ആയുധ ഇടപാടില്‍ നിന്ന് പിന്നോട്ടില്ലെന്ന് തുര്‍ക്കിയും വ്യക്തമാക്കിയിരുന്നു. അതിനിടെ ഇടപാടുമായി ബന്ധപ്പെട്ട് സാങ്കേതികവിദ്യകള്‍ ഭാഗികമായി തുര്‍ക്കിക്കു കൈമാറിയതായി റഷ്യന്‍ വാര്‍ത്താ ഏജന്‍സി അറിയിച്ചു.