കൊച്ചി: പ്രമുഖ വ്യവസായിയും കുവൈത്തിലെ സാംസ്‌കാരിക പ്രവര്‍ത്തകനുമായ എം. മാത്യൂസ്( ടൊയോട്ട സണ്ണി) അന്തരിച്ചു.
ഇന്നലെ വൈകിട്ട് കുവൈത്ത് ഖാദിസിയയിലെ വീട്ടിലാണ് അന്ത്യം. അസുഖ ബാധിതനായി കിടപ്പിലായിരുന്നു. പത്തനംതിട്ട കൊയ്പ്പുറം കുമ്പനാട് സ്വേദേശിയാണ്.
പ്രമുഖ ഓട്ടോമൊബൈല്‍ കമ്പനിയായ അല്‍ സായര്‍ ഗ്രൂപ്പിന്റെ ഇന്നത്തെ വളര്‍ച്ചയ്ക്ക് പ്രധാന പങ്കുവഹിച്ച ആളാണ്. സഫീന റെന്റ് എ കാര്‍, സഫീന ജനറല്‍ ട്രേഡിങ് ആന്‍ഡ് കണ്‍സ്ട്രക്ടിങ് കമ്പനി തുടങ്ങിയ സ്ഥാപനങ്ങളുടെ ചെയര്‍മാനാണ്. 1990ല്‍ ഇറാഖ് അധിനിവേശത്തെ തുടര്‍ന്ന് ഇന്ത്യക്കാരെ നാട്ടിലെത്തിക്കുന്നതില്‍ സ്തുത്യര്‍ഹമായ സേവനമാണ് അദ്ദേഹം കാഴ്ചവച്ചത്. ഭാര്യ: മേരി. മക്കള്‍: ജോയ് മാത്യു, ആനി മാത്യു, സൂസന്‍ മാത്യു.