സാവോ പോളോ: കോപ അമേരിക്കയുടെ ക്വാര്‍ട്ടര്‍ ഫൈനലില്‍ ഉറുഗ്വെക്ക് തോല്‍വി. ഇന്നലെ നടന്ന മത്സരത്തില്‍ പെറുവിനോട് പെനാല്‍റ്റി ഷൂട്ടൗട്ടില്‍ പരാജയപ്പെട്ട് ഉറുഗ്വെ പുറത്തായി. ബാഴ്‌സലോണ താരം ലൂയിസ് സുവാരസ് പെനാല്‍റ്റി കിക്ക് മിസ് ആക്കിയതാണ് ഉറുഗ്വെക്ക് തിരിച്ചടിയായത്. ഉറുഗ്വെക്ക് വേ@ണ്ടി ആദ്യം പെനാല്‍റ്റി കിക്ക് എടുത്ത സുവാരസിന്റെ ശ്രമം പെറു ഗോള്‍ കീപ്പര്‍ പെഡ്രോ ഗാലെസെ രക്ഷപ്പെടുത്തുകയായിരുന്നു. നിശ്ചിത സമയത്ത് മത്സരം ഗോള്‍ രഹിത സമനിലയില്‍ അവസാനിച്ചതിനെ തുടര്‍ന്നാണ് മത്സരം പെനാല്‍റ്റി ഷൂട്ടൗട്ടിലേക്ക് നീണ്ട@ത്. പെനാല്‍റ്റി ഷൂട്ടൗട്ടില്‍ പെറു 5-4ന് മത്സരം ജയിച്ച് സെമി ഉറപ്പിക്കുകയും ചെയ്തു. എഡിസണ്‍ കവാനിയും ലൂയീസ് സുവാരസും അടങ്ങുന്ന മുന്നേറ്റനിരയെ പെറു പ്രതിരോധം ബോക്‌സിലേക്ക് അടുപ്പിച്ചില്ല. എഡിസണ്‍ കവാനിക്കും ഗോഡിനും കിട്ടിയ സുവര്‍ണാവസരങ്ങള്‍ ഇരു താരങ്ങളും പുറത്തടിച്ചു കളയുകയും ചെയ്തത് ഉറുഗ്വെക്ക് തിരിച്ചടിയായി. മത്സരത്തില്‍ കവാനിയും സുവാരസും ര@ണ്ടു തവണ പന്ത് പെറു വലയില്‍ എത്തിച്ചെങ്കിലും വാര്‍ ഇടപെട്ട് ഓഫ്‌സൈഡ് വിളിച്ചതും ഉറുഗ്വെക്ക് വിനയായി. കൊളംബിയയെ തോല്‍പിച്ച് സെമിയില്‍ പ്രവേശിച്ച ചിലിയാണ് പെറുവിന്റെ എതിരാളികള്‍. വ്യാഴം രാവിലെ ആറിനാണ് പെറുവും ചിലിയും തമ്മിലുള്ള സെമി പോരാട്ടം.