റിയാദ്: സഊദിയിലേക്ക് വിദേശ രാജ്യങ്ങളില്‍നിന്ന് ഹ്രസ്വകാല ട്രാന്‍സിറ്റ് വിസ അനുവദിക്കുന്നു. ട്രാന്‍സിറ്റ് യാത്രക്കാര്‍ക്കായാണ് ഹ്രസ്വകാല വിസകള്‍ പുറത്തിറക്കിയത്.
വിമാന, കപ്പല്‍, കര മാര്‍ഗം സഊദിയിലേക്കെത്തുന്ന സഞ്ചാരികള്‍ക്കെല്ലാം ഇനി ഹ്രസ്വകാല വിസിറ്റ് വിസ കരസ്ഥമാക്കി സഊദിയില്‍ ഇറങ്ങാനാകും.
ഇത്തരം ആളുകള്‍ക്ക് രണ്ടു ദിവസത്തേക്കും നാല് ദിവസത്തേക്കുമായുള്ള വിസിറ്റ് വിസകളാണ് അനുവദിക്കുക.
വിസിറ്റ്, ഹജ്ജ് ട്രാന്‍സിറ്റ് വിസാ ഘടനാ ഷെഡ്യൂളില്‍ ഭേദഗതി വരുത്തി ഹ്രസ്വകാല വിസിറ്റ് വിസകള്‍ അനുവദിക്കാന്‍ നേരത്തെ മന്ത്രിസഭ തീരുമാനിച്ചിരുന്നു. ഇതിന്റെ അടിസ്ഥാനത്തിലാണ് പുതിയ തീരുമാനം.
ഇതുമായി ബന്ധപ്പെട്ട് വിസാ ഘടനാ ഷെഡ്യൂളില്‍ വരുത്തിയ ഭേദഗതി ഔദ്യോഗിക ഗസറ്റ് ആയ ഉമ്മുല്‍ഖുറാ പത്രത്തില്‍ പരസ്യപ്പെടുത്തി.
48 മണിക്കൂര്‍ കാലാവധിയുള്ള വിസക്ക് 100 റിയാലും 96 മണിക്കൂര്‍ കാലാവധിയുള്ള വിസക്ക് 300 റിയാലുമാണ് ഫീസ്.