കോഴിക്കോട്: എസ്.കെ.എസ്.എസ്.എഫ് ട്രൈസനേറിയം ആഘോഷങ്ങളുടെ ഭാഗമായി ഓഗസ്റ്റ് 30, 31 തിയതികളില്‍ ഡല്‍ഹിയില്‍ നാഷനല്‍ മീറ്റ് സംഘടിപ്പിക്കും. 'ഇന്‍ക്ലുസീവ് ഇന്ത്യ'എന്ന പ്രമേയത്തില്‍ നടക്കുന്ന പരിപാടിയുടെ മുന്നോടിയായി രാജ്യത്തെ തിരഞ്ഞെടുക്കപ്പെട്ട കേന്ദ്രങ്ങളില്‍ 30 ചാപ്റ്റര്‍ കോണ്‍ഫറന്‍സുകള്‍ നടക്കും. ചാപ്റ്റര്‍ കോണ്‍ഫറന്‍സുകളുടെ ദേശീയതല ഉദ്ഘാടനം ഇന്ന് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വെസ്റ്റ് ബംഗാള്‍ കാംപസില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും. കൂടിയാലോചനാ യോഗത്തില്‍ സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി.