റിയാദ്: സഊദി അറേബ്യയിലെ പ്രമുഖ അമേരിക്കന്‍ എണ്ണ കമ്പനിയായ അറാംകോയുടെ വിതരണ കേന്ദ്രത്തിനു നേരെ മിസൈല്‍ ആക്രമം നടത്തിയതായി യമനിലെ ഹൂതി വിമതര്‍. എന്നാല്‍ ഇതു സംബന്ധിച്ച് സഊദി അറേബ്യ ഇതുവരെ പ്രതികരിച്ചിട്ടില്ല.

ഇത്തരം ആക്രമണങ്ങള്‍ തുടരുമെന്നും സഊദിയിലെ വിദേശ കമ്പനികളും വ്യക്തികളും ജാഗ്രത തുടരണമെന്നും ഹൂതികള്‍ മുന്നറിയിപ്പു നല്‍കി. സഊദി അറേബ്യയിലെ കിഴക്കന്‍ പ്രവിശ്യയിലാണ് അറാംകോയുടെ ഉല്‍പ്പാദന- വിതരണ കേന്ദ്രങ്ങള്‍ പ്രവര്‍ത്തിക്കുന്നത്.

ഖുദ്‌സ് -2 മോഡല്‍ മിസൈലുകളാണ് അറാംകോ കേന്ദ്രങ്ങള്‍ക്കെതിരേ തൊടുത്തുവിട്ടതെന്നു ഹൂതി വക്താവ് യഹ്‌യാ ശറീഅ വ്യക്തമാക്കി. എന്നാല്‍ ഇത് സ്ഥിരീകരിക്കാന്‍ അറാംകോ അധികൃതര്‍ തയാറായിട്ടില്ല.