കരുനാഗപ്പള്ളി: നവഭാരതസൃഷ്ടിക്കായ് പ്രവര്‍ത്തിക്കുകയും വിവരസാങ്കേതിക രംഗത്തു നൂതനവിപ്ലവത്തിന് തുടക്കം കുറിക്കുകയും ചെയ്ത ധീര ഭരണാധികാരിയായിരുന്നു രാജീവ്ഗാന്ധിയെന്നു കെ.പി.സി.സി മുന്‍ ജനറല്‍ സെക്രട്ടറി കെ.സി രാജന്‍ പറഞ്ഞു. ബ്ലോക്ക് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ കോണ്‍ഗ്രസ് ഭവനില്‍ നടന്ന രാജീവ്ഗാന്ധിയുടെ 26ാം അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് കോണ്‍ഗ്രസ് പ്രസിഡന്റ് എന്‍ അജയകുമാര്‍ അധ്യക്ഷനായി. ആര്‍ രാജശേഖരന്‍, ചിറ്റുമൂല നാസര്‍, കെ.കെ സുനില്‍, ആര്‍ ശശിധരന്‍പിള്ള, കളീക്കല്‍ മുരളി, ബാബു അമ്മവീട്, കുന്നേല്‍ ബാബു, സി.ഒ കണ്ണന്‍, കോടിയാട്ട് രാമചന്ദ്രന്‍പിള്ള, ജോണ്‍സണ്‍ കുരുപ്പിളയില്‍, കൃഷ്ണപിള്ള, ഡി വിജയന്‍, സുഭാഷ്‌ബോസ്, സന്തോഷ്ബാബു, ബിനു പ്രസംഗിച്ചു.