ഉപ്പള: ബാളിയൂരിലും കൊട്‌ലമുഗുറുവിലും കോഴിയങ്കത്തിനായി കോഴികളുമായി എത്തിയ എട്ടുപേരെ പൊലിസ് അറസ്റ്റ് ചെയ്തു. 20 കോഴികളെ ഇവരില്‍നിന്നു പൊലിസ് കസ്റ്റഡിയിലെടുത്തു. കളിക്കാനായി കൊണ്ടുവന്ന 4390 രൂപയും പിടികൂടി.
ബാളിയൂരിലെ ചെങ്കല്‍ ക്വാറിയില്‍ കോഴിയങ്കത്തിലേര്‍പ്പെട്ട മണ്ണംങ്കുഴിയിലെ മുര്‍ഷിന്‍ അഹമ്മദ് (30), ബേരിക്കയിവലെവിജയകുമാര്‍(45), കുബണൂര്‍ പഞ്ചയിലെ ഹരിപ്രസാദ് (27), മൂടംബയലിലെ രാമനാഥ് (41), മൊറത്തണ ഗാന്ധിനഗറിലെ സുരേഷ് (48) എന്നിവരെ പിടികൂടി. ഇവരില്‍നിന്ന് എട്ടുകോഴികളും 2120 രൂപയും പിടിച്ചെടുത്തു.
കൊട്‌ലമുഗുറുവിലെ മൈതാനിയില്‍ ടെന്‍ഡ് കെട്ടി കോഴിയങ്കം നടത്തുകയായിരുന്ന പാത്തൂരിലെ ലോകനാഥ് (42), ബണ്ട്വാള്‍ മന്‍ച്ചിയിലെ ലോകയ്യ (49), മഞ്ഞനാടിയിലെ ഹരിപ്രസാദ് (20) എന്നിവരാണ് അറസ്റ്റിലായത്. ഇവിടെനിന്ന് 12 കോഴികളെയും 2270 രൂപയും പിടിച്ചെടുത്തു. പ്രിന്‍സിപ്പല്‍ എസ്.ഐ എം.പി.എ ഷാജി, എ.എസ്.ഐ വി.കെ അനീഷ് എന്നിവരുടെ നേതൃത്വത്തിലായിരുന്നു റെയ്ഡ്.