ഒറ്റപ്പാലം: ഉപതെരഞ്ഞെടുപ്പ് നടന്ന ഒറ്റപ്പാലം നഗരസഭയിലെ കണ്ണിയമ്പുറം വായനശാല വാര്‍ഡ് 29ല്‍  പോളിങ് പൂര്‍ത്തിയായി.  മണ്ഡലത്തില്‍ ആകെ 1324 വോട്ടര്‍മാരാണുള്ളത്. ഇതില്‍  1012 പേര്‍ വോട്ട് രേഖപ്പെടുത്തി. 76.43 ആണ് പോളിങ് ശതമാനം.
വോട്ട് രേഖപ്പെടുത്തിയതില്‍ പുരഷന്‍മാര്‍ 504 പേരും, സ്ത്രീകള്‍ 508 പേരുമാണ്. ഇന്ന്  രാവിലെ എട്ടു മുതല്‍ ഒറ്റപ്പാലം നഗരസഭാ കോണ്‍ഫറന്‍സ് ഹാളില്‍ വോട്ടെണ്ണല്‍ നടക്കും.
ജയരാജന്‍ മാസ്റ്റര്‍ ( സ്വത), കെ.കെ. രാമകൃഷ്ണന്‍ (എല്‍.ഡി.എഫ്), ലക്ഷ്മണന്‍ കെ.ജി (യു.ഡി.എഫ്), ഹരിദാസ് (ബി.ജെ.പി) എന്നിവരാണ് സ്ഥാനാര്‍ഥികള്‍.