തൃക്കരിപ്പൂര്‍: ടൗണിലെ ആദ്യകാല ഡോക്ടര്‍മാരിലൊരാളായ ശനിയാഴ്ച്ച വൈകീട്ട് നിര്യാതനായ ഡോ എസ്.വി അബ്ദുല്‍ ഖാദറിന് നാടിന്റെ അന്ത്യാജ്ഞലി.
 സര്‍ക്കാര്‍ സര്‍വീസില്‍ കാഞ്ഞങ്ങാട്, പയ്യന്നൂര്‍, നിലേശ്വരം, കുമ്പള എന്നിവിടങ്ങളില്‍ സേവനത്തിന് ശ്ഷം മലേഷ്യ, സിങ്കപ്പൂര്‍, സഊദി അറേബ്യ എന്നിവിടങ്ങളിലും സേവനം ചെയ്തിരുന്നു.
തൃക്കരിപ്പൂരില്‍ ആദ്യമായി ആശുപത്രി പണിത് കണ്‍സല്‍ട്ടിങ് നടത്തിയിരുന്നു. ചികില്‍സക്കായി എത്തുന്നവരുടെ സാമ്പത്തിക ബുദ്ധിമുട്ടുകള്‍ കണ്ടറിഞ്ഞ് ഫീസ് വാങ്ങാതെ ചികില്‍സ നടത്തുന്നത് പതിവാക്കിയിരുന്നു.
തൃക്കരിപ്പൂര്‍ ടൗണ്‍ ജുമാമസ്ജിദ് നിര്‍മ്മാണ കമ്മറ്റി ചെയര്‍മാനും ദീര്‍ഘകാലം പ്രസിഡന്റുമായിരുന്നു എസ്.വി അബ്ദുല്‍ ഖാദിര്‍ ഹാജി. ഇന്നലെ രാവിലെ വന്‍ ജനാവലിയുടെ സാനിധ്യത്തില്‍ ബീരിച്ചേരി ജുമാമസ്ജിദ് ഖബര്‍സ്ഥാനില്‍ ഖബറടക്കി.