തിരുവനന്തപുരം: സംസ്ഥാനത്ത് അര്‍ബുദ രോഗികളുടെ എണ്ണം ക്രമാതീതമായി വര്‍ധിക്കുന്നതായി മന്ത്രി കെ.കെ ശൈലജ നിയമസഭയെ അറിയിച്ചു.
കഴിഞ്ഞ മൂന്നുവര്‍ഷത്തിനിടെ സംസ്ഥാനത്തെ വിവിധ ആശുപത്രികളിലായി 1,55,414 അര്‍ബുദ രോഗികളാണ് ചികിത്സ തേടിയെത്തിയത്. 2016-17 കാലയളവില്‍ 43,595 പേരും 2017-18ല്‍ 54,092, 2018-19ല്‍ 57,727 എന്നിങ്ങനെയാണ് ചികിത്സ തേടിയെത്തിയത്. ഇക്കാലയളവില്‍ തിരുവനന്തപുരം ആര്‍.സി.സിയില്‍ 47,965 പേരും തലശേരി മലബാര്‍ കാന്‍സര്‍ സെന്ററില്‍ 13,596, കൊച്ചിന്‍ കാന്‍സര്‍ സെന്ററില്‍ 14,536, എറണാകുളം ജനറല്‍ ആശുപത്രിയില്‍ 14,751, വിവിധ മെഡിക്കല്‍ കോളജുകളിലായി 64,566 പേരും ചികിത്സ തേടിയെത്തി.