റായ്പൂര്‍: മാവോവാദി സ്വാധീന മേഖലകളായ സുക്മ, ബസ്തര്‍ എന്നിവിടങ്ങളില്‍ രണ്ടു ദിവസത്തെ സന്ദര്‍ശനത്തിനായി കേന്ദ്ര രഹസ്യാന്വേഷണ ബ്യൂറോ ഡയരക്ടര്‍ രാജിവ് ജെയിന്‍ സംസ്ഥാനത്തെത്തി. ഐ.ബി മേധാവി ഇതാദ്യമായിട്ടാണ് മാവോ വാദി മേഖല സന്ദര്‍ശിക്കുന്നത്. സംസ്ഥാന മുഖ്യമന്ത്രി രമണ്‍ സിങ്ങുമായി അദ്ദേഹം ഇന്ന് ചര്‍ച്ച നടത്തും. തുടര്‍ന്ന് പൊലിസ് മേധാവി എ.എന്‍ ഉപാധ്യായയുമായും അദ്ദേഹം കൂടിക്കാഴ്ച നടത്തും.