ന്യൂഡല്‍ഹി: നിയന്ത്രണരേഖയിലുണ്ടായ സ്‌ഫോടനത്തില്‍ അഞ്ചു പാക് സൈനികര്‍ കൊല്ലപ്പെട്ടു. ചാംബ് സെക്ടറിലാണ് സംഭവം. ഒരു ജവാന് പരുക്കേറ്റു. സുബേദാര്‍ മുഹമ്മദ് സാദിഖ്, നായിക് ഷേര്‍ സമാന്‍, ശിപായ്മാരായ ശുഹൈബ്, മുഹമ്മദ് ത്വയ്യിബ്, ഗുലാം ഖാസിം എന്നിവരാണ് മരിച്ചത്. ഫെബ്രുവരി 14ന് പുല്‍വാമയിലുണ്ടായ സ്‌ഫോടനത്തില്‍ സി.ആര്‍.പി.എഫ് ജവാന്‍മാര്‍ കൊല്ലപ്പെട്ടതിന് പ്രതികാരമായി ഇന്ത്യ നടത്തിയ വ്യോമാക്രമണത്തിന് പിന്നാലെ അതിര്‍ത്തി സംഘര്‍ഷഭരിതമാണ്. ഇതിനിടെയാണ് പുതിയ സംഭവം ഉണ്ടായിരിക്കുന്നത്.
അതേസമയം, സംഭവം വെടിനിര്‍ത്തല്‍ കരാര്‍ലംഘനവും ഭീകരപ്രവര്‍ത്തനത്തെ പ്രോത്സാഹിപ്പിക്കുന്ന നടപടിയാണെന്നും പാകിസ് താന്‍ പ്രതികരിച്ചു.