കൊല്ലം: ഉമ്മന്‍ ചാണ്ടിയുടെ പിന്‍ഗാമിയായി തന്നെ വിശേഷിപ്പിക്കേണ്ടന്നും രാഷ്ട്രീയം ഇഷ്ടമുള്ളത് കൊണ്ടാണ് പ്രവര്‍ത്തന രംഗത്തുള്ളതെന്നും മുന്‍ മുഖ്യമന്ത്രി ഉമ്മന്‍ ചാണ്ടിയുടെ മകന്‍ ചാണ്ടി ഉമ്മന്‍.
താന്‍ നിയമസഭാ തെരഞ്ഞെടുപ്പില്‍ മത്സരിക്കുന്ന കാര്യം പാര്‍ട്ടിയാണ് തീരുമാനിക്കേണ്ടത്. എന്നാല്‍ അതിന് സാധ്യത തീരെ വിരളമാണ്.
നേതാവിന്റെ മകനായത് കൊണ്ടു മാത്രം രാഷ്ട്രീയത്തില്‍ വരരുതെന്ന് പറയുന്നത് ശരിയല്ല.
തദ്ദേശ തെരഞ്ഞെടുപ്പില്‍ മത്സരിക്കണമെന്ന് ആഗ്രഹമുണ്ടായിരുന്നു. പക്ഷേ യുവാക്കള്‍ക്ക് പ്രാതിനിധ്യം ലഭിക്കാത്ത സാഹചര്യത്തിലാണ് സ്വയം പിന്മാറിയതെന്നും ചാണ്ടി ഉമ്മന്‍ പറഞ്ഞു.