തിരുവനന്തപുരം: വൈദ്യുതി ലൈന്‍ പൊട്ടിവീണ് ഷോക്കേറ്റ് 2016-19ല്‍ 49 പേര്‍ മരിച്ചിട്ടുണ്ടെന്ന് മന്ത്രി എം.എം മണി നിയമസഭയില്‍ അറിയിച്ചു. 2016ല്‍ ആറു പേരും 2017ല്‍ 21 പേരും 2018ല്‍ 13 പേരും 2019ല്‍ ഒന്‍പതു പേരുമാണ് മരിച്ചത്. 2018ല്‍ 34 മൃഗങ്ങള്‍ വൈദ്യുതാഘാതമേറ്റ് മരിച്ചു.
സുരക്ഷയ്ക്ക് പ്രാധാന്യം നല്‍കുന്ന ദ്യുതി-2021 പദ്ധതിയില്‍പ്പെടുത്തി എ.ബി.സി, കവേര്‍ഡ് കണ്ടക്ടറുകളും കേബിളുകളും സ്ഥാപിച്ച് നിര്‍മിക്കുന്ന ലൈനുകളുടെ ഗുണമേന്മ ഉറപ്പുവരുത്താനും പൊട്ടിവീഴുന്നതു തടയാനും കെ.എസ്.ഇ.ബി നടപടി സ്വീകരിക്കുന്നുണ്ടെന്നും കുടുംബശ്രീ യൂനിറ്റുകള്‍ വഴി ബോധവല്‍കരണ കാംപയിന്‍ നടത്തുമെന്നും മന്ത്രി പറഞ്ഞു.