കോഴിക്കോട്: 'അസ്തിത്വം, അവകാശം യുവനിര വീണ്ടെടുക്കുന്നു' എന്ന പ്രമേയത്തില്‍ എസ്.കെ.എസ്.എസ്.എഫ് സംസ്ഥാന വ്യാപകമായി ഡിസംബര്‍ ആറ് മുതല്‍ ജനുവരി 26 വരെ നടത്തുന്ന കാംപയിനിന് ഒരുക്കങ്ങള്‍ ആരംഭിച്ചു.
ജില്ലാ തലങ്ങളില്‍ നടക്കുന്ന പ്രവര്‍ത്തക സംഗമങ്ങള്‍ ഇന്ന് ആരംഭിക്കും. ജില്ലാ പ്രവര്‍ത്തക സമിതി അംഗങ്ങള്‍, മേഖലാ പ്രസിഡന്റ്, സെക്രട്ടറിമാര്‍, വിവിധ വിങ് ചെയര്‍മാന്‍ കണ്‍വിനര്‍മാര്‍ എന്നിവര്‍ സംഗമങ്ങളില്‍ സംബന്ധിക്കും. എല്ലാ സംഗമങ്ങളിലും സംസ്ഥാന ഭാരവാഹികള്‍ കാംപയിന്‍ പദ്ധതികള്‍ വിശദീകരിക്കും.
ഇന്ന് കൊടക് ജില്ലാ സംഗമം നടക്കും. 29 ന് തൃശൂര്‍, എറണാംകുളം, ആലപ്പുഴ ജില്ലാ സംഗമങ്ങള്‍ നടക്കും. 30 ന് തിരുവനന്തപുരം ജില്ലാ സംഗമവും ഡിസംബര്‍ ഒന്നിന് പാലക്കാട്, മലപ്പുറം വെസ്റ്റ്, കാസര്‍കോട് ജില്ലാ സംഗമങ്ങളും നടക്കും. ഡിസംബര്‍ രണ്ടിന് ദക്ഷിണ കന്നഡ ജില്ലാ സംഗമം മംഗലാപുരത്ത് നടക്കും. മലപ്പുറം ഈസ്റ്റ്, ഇടുക്കി ജില്ലാ സംഗമങ്ങള്‍ ഡിസംബര്‍ മൂന്നിന്നും കോട്ടയം, വയനാട്, നീലഗിരി ജില്ലകളില്‍ ഡിസംബര്‍ നാലിനും നടക്കും. അഞ്ചിനാണ് കോഴിക്കോട്, കണ്ണൂര്‍ ജില്ലാ പ്രവര്‍ത്തക സംഗമങ്ങള്‍ നടക്കുക.