മാനന്തവാടി: പാരമ്പര്യ വൈദ്യന്‍മാരുടെ സംരക്ഷണം സര്‍ക്കാര്‍ ഉറപ്പു വരുത്തണമെന്ന് ഭാരതീയ പാരമ്പര്യ വൈദ്യസംഘം ജില്ലാ സമ്മേളനം ആവശ്യപ്പെട്ടു. കാലങ്ങളായി നാട്ടുവൈദ്യന്‍മാര്‍ക്ക് സംരക്ഷണമോ, സഹായങ്ങളോ സര്‍ക്കാരിന്റെ ഭാഗത്തുനിന്ന് ലഭിച്ചിട്ടില്ല. കേരളത്തിലെ അക്കാദമിക്കല്‍ മെഡിക്കല്‍ പ്രാക്ടീഷണര്‍മാര്‍ക്ക് രജിസ്‌ട്രേഷന്‍ സംവിധാനം ഏര്‍പ്പെടുത്തുന്നതിന് പൊതു ചട്ടം നടപ്പിലാക്കുന്ന ഈ സന്ദര്‍ഭത്തില്‍ ട്രഡീഷണല്‍ പ്രാക്ടീഷണര്‍മാര്‍ക്ക് രജിസ്‌ട്രേഷന്‍ സൗകര്യവും സാമ്പത്തിക സഹായവും സര്‍ക്കാര്‍ നിയമം വഴി ലഭ്യമാക്കണം. സമ്മേളനം ദേശീയ ജനറല്‍ സെക്രട്ടറി നൗഷാദ് വൈദ്യര്‍ ഉദ്ഘാടനം ചെയ്തു. കെ.കെ ഇബ്രാഹിം വൈദ്യര്‍ അധ്യക്ഷനായി. ദേവസ്യ വൈദ്യര്‍, പി രാധാകൃഷ്ണന്‍ വൈദ്യര്‍, ബിന്ദു സുരേഷ് വൈദ്യ എന്നിവര്‍ സംസാരിച്ചു. ഭാരവാഹികളായി കെ.കെ ചന്ദ്രന്‍ വൈദ്യര്‍ (പ്രസി), ചന്ദ്രന്‍ വൈദ്യര്‍ കുനിയിമ്മന്‍ വൈസ്.പ്രസി), കെ.കെ ഇബ്രാഹിം വൈദ്യര്‍ (സെക്ര), സി.വി രാജന്‍ വൈദ്യര്‍ (ജോ. സെക്ര) എന്നിവരെ തെരഞ്ഞെടുത്തു.