ന്യൂയോര്‍ക്ക്: ഇറാനെതിരേ യു.എസ് തുടരുന്നത് വിദ്വേഷ നയമാണെന്നും ഇതിന്റെ അന്തിമ വിധി പരാജയമായിരിക്കുമെന്ന് പ്രസഡന്റ് ഹസന്‍ റൂഹാനി. യു.എന്‍ പൊതു സഭയില്‍ സംസാരിക്കുകയായിരുന്നു അദ്ദേഹം.
ഏകപക്ഷീയമായ ഉപരോധം ഏര്‍പ്പെടുത്തുന്നതിലൂടെ സാമ്പത്തിക യുദ്ധത്തിനാണ് യു.എസ് ഏര്‍പ്പെടുക. ഇറാനെതിരേ തുടക്കം മുതല്‍ യു.എസ് സമീപനം തെറ്റായ രീതിയിലായിരുന്നു. പുതിയ ഉപരോധത്തിലൂടെ സാമ്പത്തിക യുദ്ധത്തില്‍ ഏര്‍പ്പെടുന്ന യു.എസ് ഇറാന്‍ ജനങ്ങളെ മാത്രമല്ല മറ്റു രാജ്യങ്ങളെയുമാണ് ബുദ്ധമുട്ടിക്കുന്നത്. അന്താരാഷ്ട്ര വ്യാപാരത്തിലെ വ്യാപാരത്തിനാണ് ഈ യുദ്ധത്തിലൂടെ തടസമുണ്ടാവുകയെന്ന് റൂഹാനി പറഞ്ഞു.