വടക്കാഞ്ചേരി: സിനിമാ താരം ദുല്‍ക്കര്‍ സല്‍മാന്റെ ജന്മദിനത്തോടനുബന്ധിച്ച് ആള്‍ കേരള ദുല്‍ക്കര്‍ സല്‍മാന്‍ ഫാന്‍സ് ആന്‍ഡ് വെല്‍ഫെയര്‍  അസോസിയേഷന്‍ വടക്കാഞ്ചേരി ഏരിയാ കമ്മിറ്റിയുടെ നേതൃത്വത്തില്‍ വടക്കാഞ്ചേരി ജില്ലാ ആശുപത്രിയിലെ കിടപ്പ് രോഗികള്‍ക്ക് ഉച്ചഭക്ഷണം നല്‍കി. നഗരസഭ കൗണ്‍സിലര്‍ എം.എച്ച് ഷാനവാസ് ഉദ്ഘാടനം ചെയ്തു. കാരുണ്യ ട്രസ്റ്റ് ചെയര്‍മാന്‍ വി.വി ഫ്രാന്‍സീസ്, ഫാന്‍സ് അസോസിയേഷന്‍ പ്രസിഡന്റ് ജിന്‍ഷാദ് അധ്യക്ഷനായി. അന്‍ഷാദ്, മിനാജ്, ഫിറോസ്, മുജീബ്, അനസ് എന്നിവര്‍ നേതൃത്വം നല്‍കി.