മനാമ: ബഹ്‌റൈനിലെ സ്വിമ്മിംഗ് പൂളില്‍ പ്രവാസി മലയാളി മുങ്ങി മരിച്ചു. തൃശൂര്‍ ഇരിഞ്ഞാലക്കുട സ്വദേശി പടിയൂര്‍ രഞ്ജിത് കാരയില്‍ (42) ആണ് നീന്തുന്നതിനിടെ വെള്ളത്തില്‍ താഴ്ന്നു പോയി മരണപ്പെട്ടത്.
ബഹ്‌റൈനില്‍ കുടുംബ സമേതം താമസിച്ചു വന്നിരുന്ന രജ്ഞിത്ത് കുട്ടികളോടൊപ്പമാണ് ഉമ്മുല്‍ഹംസത്തെ സ്വിമ്മില്‍പൂളിലേക്ക് പോയിരുന്നത്.
കുട്ടികള്‍ക്കു മുന്പില്‍ നീന്തി കൊണ്ടിരിക്കെ പെട്ടെന്ന് ഇദ്ധേഹം വെള്ളത്തിലേക്ക് താഴ്ന്നു പോയെന്നാണ് റിപ്പോര്‍ട്ട്.

കുട്ടികള്‍ ഇക്കാര്യം അമ്മയോട് ചെന്ന് പറയുകയും അവര്‍ ഓടിയെത്തി രക്ഷിക്കാന്‍ ശ്രമിച്ചെങ്കിലും കഴിയാതെ പോകുകയായിരുന്നു.
കഴിഞ്ഞ 12 വര്‍ഷമായി ബഹ്‌റൈന്‍ പ്രവാസിയായ ഇദ്ദേഹം ഇലക്ട്രോണിക്കല്‍ ഡിസൈനറാണ്. നീന്തല്‍ വശമില്ലായിരുന്നുവെന്നാണ് സുഹൃത്തുക്കള്‍ കരുതുന്നത്.
ഭാര്യ: സിനി രഞ്ചിത്ത്. മക്കള്‍: ശ്രീഹരി,ഹരിത രഞ്ചിത്ത് .
നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടു പോകും