കയ്പമംഗലം: കയ്പമംഗലം മൂന്നുപീടികയില്‍ കടയുടമയെ മര്‍ദിച്ചതില്‍ പ്രതിഷേധം ശക്തം. സംഭവത്തില്‍ പ്രതിഷേധിച്ച് വ്യാപാരികള്‍ കടയടച്ച് പ്രകടനവും പൊതുയോഗവും നടത്തി. പെരിഞ്ഞനം സെന്ററില്‍ നിന്നാരംഭിച്ച പ്രകടനം മൂന്നുപീടിക സെന്ററില്‍ സമാപിച്ചു. തുടര്‍ന്ന് നടന്ന പ്രതിഷേധ യോഗം വ്യാപാരി വ്യവസായി ഏകോപന സമിതി ജില്ലാ സെക്രട്ടറി എന്‍.ആര്‍ വിനോദ് കുമാര്‍ ഉദ്ഘാടനംചെയ്തു. യൂനിറ്റ് പ്രസിഡന്റ് പി.എം റഫീക്ക് അധ്യക്ഷനായി . എം.വി ദാസന്‍, എം.എസ്.സദന്‍, കമറുദ്ദീന്‍, ദിലീപ് എന്നിവര്‍ സംസാരിച്ചു.