വാഷിങ്ടണ്‍: ഖത്തര്‍- സഊദി അറേബ്യ തമ്മിലുള്ള പ്രതിസന്ധി ഒഴിവാക്കാനുള്ള ലക്ഷ്യവുമായി യു.എസ് പ്രസിഡന്റ് ഡൊണാള്‍ഡ് ട്രംപിന്റെ ഉപദേഷ്ടാവ് ജെറാദ് കുഷ്‌നറും സംഘവും യാത്ര തിരിക്കുന്നു. സഊദി അറേബ്യയിലേക്കും ഖത്തറിലേക്കും കുഷ്‌നര്‍ എത്തുമെന്ന് യു.എസ് മാധ്യമങ്ങള്‍ റിപ്പോര്‍ട്ട് ചെയ്തു.

സഊദി കിരീടാവകാശി മുഹമ്മദ് ബിന്‍ സല്‍മാനുമായി നിയോം നഗരത്തിലും ഖത്തര്‍ ശൈഖ് തമിം ബിന്‍ ഹമദ് അല്‍താനിയുമായി ദോഹയിലുമായിരിക്കും ചര്‍ച്ച നടക്കുക.

'തീവ്രവാദത്തെ പിന്തുണയ്ക്കുന്നു'വെന്ന് ആരോപിച്ച് 2014 ലാണ് സഊദി അറേബ്യ, യു.എ.ഇ, ബഹ്‌റൈന്‍, ഈജിപ്ത് എന്നീ രാജ്യങ്ങള്‍ ഖത്തറുമായുള്ള നയതന്ത്ര ബന്ധം വിച്ഛേദിക്കുകയും ഉപരോധം ഏര്‍പ്പെടുത്തുകയും ചെയ്തത്. ഉപരോധം നീക്കാന്‍ 13 നിര്‍ദേശങ്ങള്‍ മുന്നോട്ടുവയ്ക്കുകയും ചെയ്തു.

എന്നാല്‍ ഈ ആവശ്യങ്ങള്‍ ഖത്തര്‍ നിരാകരിച്ചതോടെ ഉപരോധം തുടരുകയായിരുന്നു.