റായ്പൂര്‍: ഛത്തിസ്ഗഡില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ നാല് നക്‌സലേറ്റുകള്‍ കൊല്ലപ്പെട്ടു. ഇവരില്‍ മൂന്നുപേര്‍ സ്ത്രീകളാണ്. ധമാത്താരി ജില്ലയില്‍ ഇന്നലെ രാവിലെയായിരുന്നു ഏറ്റുമുട്ടല്‍. മെച്കാ ഗ്രാമത്തിലെ ഖലാരി വനത്തിനടുത്തുവച്ചാണ് ഏറ്റുമുട്ടലുണ്ടായത്. നക്‌സല്‍ വിരുദ്ധ ഓപറേഷനുവേണ്ടി നിയോഗിച്ച സ്‌പെഷല്‍ ടാസ്‌ക് ഫോഴ്‌സുമായിട്ടാണ് നക്‌സലുകള്‍ ഏറ്റുമുട്ടിയതെന്ന് സംസ്ഥാന ഡി.ഐ.ജി സുന്ദര രാജ് പറഞ്ഞു.