വളപട്ടണം: മന്ന ഖബര്‍സ്ഥാ നില്‍ നിന്ന് ആയുധങ്ങള്‍ പിടികൂടി. ആറ് സ്റ്റീല്‍ പൈപ്പുകള്‍, പിടിയോട് കൂടി നിര്‍മിച്ച മൂന്ന് കമ്പി, ഒരു സൈക്കിള്‍ ചെയിന്‍ എന്നിവയാണ് വളപട്ടണം പൊലിസ് സ്റ്റേഷന് സമീപത്തുള്ള ഖബര്‍സ്ഥാനിന്റെ മതിലിനോട് ചേര്‍ന്ന് കാട്ടിനുള്ളില്‍ ഒളിപ്പിച്ച നിലയില്‍ കണ്ടെത്തിയത്. രഹസ്യവിവരത്തെ തുടര്‍ന്ന് ഇന്നലെ രാവിലെ 11ഓടെ വളപട്ടണം എസ്.ഐ ശ്രീജിത്ത് കൊടേരി, അസി. എസ്.ഐ രവീന്ദ്രന്‍, ബോംബ് സ്‌ക്വാഡ് ഇന്‍സ്‌പെക്ടര്‍ രാമചന്ദ്രന്‍ എന്നിവരുടെ നേതൃത്വത്തിലാണ് പരിശോധന നടത്തിയത്.