കാസര്‍കോട്: അറബി ഭാഷ പഠനത്തിനെതിരേ 1980ല്‍ ഇടതു സര്‍ക്കാര്‍ കൊണ്ടുവന്ന അക്കമഡേ മന്‍, ഡിക്‌ളറേഷന്‍, ക്വാളിഫിക്കേഷന്‍, എന്നിവയ്‌ക്കെതിരേ സമരം ചെയ്തു വീരമൃത്യു വരിച്ച മജീദ്, റഹ്മാന്‍, കുഞ്ഞിപ്പമാരുടെ സ്മരണാര്‍ഥം കേരള അറബിക് ടീച്ചേഴ്‌സ് ഫെഡറേഷന്‍ സംസ്ഥാന കമ്മിറ്റി നാളെ ഭാഷാ അനുസ്മരണ സമ്മേളനം നടത്തും.
കാസര്‍കോട് സ്പീഡ് വേ ഇന്‍ ഓഡിറ്റോറിയത്തില്‍ രാവിലെ 9.30 ന് നെല്ലിക്കുന്ന് എം.എല്‍.എ ഉദ്ഘാടനം ചെയ്യും. ഭാഷാ അനുസ്മരണ പ്രഭാഷണം അന്‍സാരി തില്ലങ്കേരി നടത്തും. ഉച്ചക്ക് രണ്ടിനു നടക്കുന്ന സമാപന സമ്മേളനം പി.ബി അബ്ദുല്‍ റസാഖ് എം.എല്‍.എ ഉദ്ഘാടനം ചെയ്യും. അലിഫ് ടാലന്റ് ടെസ്റ്റില്‍ വിജയികളേയും എ പ്ലസ് ജേതാക്കളേയും യോഗത്തില്‍ ആദരിക്കും.