റിയാദ്: സഊദി ജിദ്ദയില്‍ നടന്ന വാഹനാപകടത്തില്‍ മലപ്പുറം സ്വദേശി മരിച്ചു. വേങ്ങര അരിക്കുളം സ്വദേശി ചെരിച്ചിയില്‍ അബ്ദുല്‍ ഗഫൂര്‍(41) ആണ് ജിദ്ദയിലെ അമീര്‍ സുല്‍ത്താന്‍ റോഡില്‍ വച്ചുണ്ടായ അപകടത്തില്‍ മരിച്ചത്.

അദാം ഇന്റര്‍ നാഷണല്‍ ട്രേഡിങ് എസ്റ്റാബ്ലിഷ്‌മെന്റ് എന്ന കമ്പനിക്കുകീഴിലുള്ള സവാരി ഗ്രൂപ്പ് എന്ന സ്ഥാപനത്തിലെ ജീവനക്കാരനായിരുന്നു. 15 വര്‍ഷമായി ജിദ്ദയില്‍ ജോലിചെയ്തു വരികയായിരുന്നു. ഭാരൃയും രണ്ട് കുട്ടികളും ഉണ്ട്.

മഹ്ജര്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ജിദ്ദയില്‍ തന്നെ ഖബറടക്കാനുള്ള നടപടികള്‍ നടന്നു വരികയാണ്. സഹായത്തിനായി ജലീല്‍ ഹരാസാത്ത്, ഹബീബ് കല്ലന്‍, മുഹമ്മ് കുട്ടി പാണ്ടിക്കാട് എന്നിവരുടെ നേതൃത്വത്തില്‍ ജിദ്ദ കെ.എം.സി.സി വെല്‍ഫെയര്‍ വിഭാഗം രംഗത്തുണ്ട്.